فى الساعة السابعة من كل يوم يجمع شريف اواراقه ويضعها فى شنطة سوداء بينما تكون وفاء فى المطبخ تحضر له طعام الافطار من الشاى بالحليب وطبق الفول والبيض المقلى يكتفى هو بالتهام طبق الفول" والله لولا الفول ده مكنتش اعرف اعمل ايه على راى اللى قالوا مسمار البطن " تنظر له وفاء باحتقار وغضب "مانت لو تعمل زى بقية الرجالة وترجع بيتك تاكلك لقمة وترتاح شوية وتنزل تانى بدل مانت عامل زى المكوك "صوته على فجاة وملامحه اتغيرت "مش كل ده لينا فى الاخر لما اتعب دلوقت وانا صغير عشان ارتاح وانا كبير وكمان الدنيا كل يوم تغلى والاسعار مولعة انا عامل زى اللى بيلف فى ساقية من المدرسة للسنترومن السنتر لبيوت العيال وبعدين للسنتر تانى بس الحمد الله لولا فضل ربنا مكنتش وصلت للى انا فيه ده كل اشطر مدرس عربى لثانوية عامة المفروض تفرحى وتشكرينى "وبمنتهى القوة وهى تغسل الاطباق فى الحوض مسكت وفاء طبق ورزعته على الارض "وانا فين من كل ده حرام عليك انا تقريبا مش بشوفك ويادوبك ترجع تعبان تاكل اللقمة وتنام وصوت شخيرك يجيب اخر الدنيا طول النهار قعدة لوحدى بين اربع حيطان والله انا ساعات بكلم نفسى "شريف ببرود ولا كان فى حاجة حصلت "اخرجى روحى عند مامتك عند اصحابك ما اشترتلك العربية اللى كان نفسك فيها انتى اللى غاوية قرف مع السلامة"ورزع الباب وراه ونزل وهى عارفة انها مش حتشوفه قبل الساعة واحدة او اتنين بالليل ابنها نور عنده خمس سنين يجى من الحضانة ياكل ويلعب شوية وينام من الساعة سابعة بعد كده تقعد هى ما بين التلفزيون والتلفون حتى الكومبيوتر والنت زهقت منهم كان فى حاجة تانية ناقصها غير الدردشة والخروج والنزول قامت بصت فى المرايا مكنتش حلوة اوى بس جسمها كان مثير اى ست تتمنى قوامها ده "والنبى الراجل ده مش مبيفهمش "رجع شريف الساعة واحدة الصبح كانت قعدة مستنيه ومحضرله العشاء لابسة قميص نومها اللى بيحبه عليها وحاطة البارفان اللى بيحبها "ازيك يا حبيبى احضرك العشاء"شريف قعد على الكرسى "انتى ايه مصحيكى دلوقتى ما انا كل يوم ارجع الاقيك نايمة "اتلجلجت ومش عارفة تقول ايه "ابدا قلت استناك نقعد نتكلم مع بعض"شريف عامل ودن من طين وودن من عجين ويقلع الشراب"بقولك ايه يا بنت الناس انا مش شايف ادامى ولسانى نشف من كتر الكلام والشرح اللى ااقوله اعيده واللى اعيده ازيده العيال تقولى ايه بقر ميفهموش"وفاء مصممة "طيب اتعشى على بال ما عملك فنجان قهوة من البن المحوج يفوقك كده ويخليك تقول احلى كلام "شريف يقلع القميص "قهوة ايه يا بنت الحلال ديه تفوقنى وانا عايزة انام عشان الحق اصحى خمسة الصبح انتى ناسية الامتحانات على ابواب العيال مستنيانى ادام السنتر ستة الصبح قومى انتى نامى تصبحى على خير "وفاء زى القطة اللى تتمسح فى صاحبها "طيب بلاش قهوة اعملك شاى "وفاء جاية بصينية الشاى كان شريف اكل اللقمة وشخيره وصل لحد الجيران قعدت هى تشرب الشاى وتتفرج على فيلم لتوم كروز وفجاة غمضت عينيها وتخيلت انها عايشة مع توم كروز قصة حب جميلة ووصلت معاه فى الحلم لاخر درجات المتعة وبعد كده قامت استغفرت ربنا على الذنب ده وخدت حمام بس كانت مبسوطة عشان حققت شئ نفسها فيه ومع مين توم كروز تقريبا بعد اسبوع الحلم ده اتكرر بس المرة ديه احمد عز بعد ما اتفرجت على فيلم ملاكى اسكندرية تانى مرة احساسها بالذنب بقى ااقل وتالت ااقل اكتر ورابع مرة مفيش احساس بالذنب اتكررت احلامها كل مرة تختار نجم سينمائى تعيش معاه احلامها وشريف مبسوط انها مش تلح عليها وتتخانق معاه انه يتاخر وفى مرة من المرات شريف قبل ما يروح الشغل "مش مهم حلغى الحصة الاولى انهارده تعالى يا فوفو يا حبيبتى نقعد مع بعض شوية"فوفو بقرف "لا ماليش مزاج" شريف بعصبية "مالكيش مزاج انا بقالى اكتر من شهر مقربتش منكوبعدين ديه حقوقى عليك "وفاء بصوت عالى "ارحمنى يا اخى وانا فين حقوقى "شريف بصوت اعلى "حقوقك فى ايه ناقصك فلوس وبتخدى عربية وعندك شغالة مبتحطيش ايدك فى حاجة يالا ادامى على السرير"وفعلا دخلت وفاء على السرير وغمضت عينيها وعاشت مع احلامها اتصلت بيها صاحبتها ميادة تعزمها على عيد ميلاد بنتها اختارت فستان مكنتش بتلبسه عشان بيظهر تفاصيل جسمها بس انهارده مبقاش مهم عندها اى حاجة بالعكس عايزة تظهر تفاصيل جسمها لكل الناس مش عشان هى كده غيظ فى جوزها مش اكتر بعد عيد الميلاد اتصل بها تامر جوز ميادة يطمن انها وصلت البيت بالسلامة وبعد شوية تردشة اتفقوا انه يزورها تانى يوم الصبح بعد ما شريف ينزل شغله بعد عدة لقاءات مع تامر زهقت منه ورجعت لاحلامها تانى لحد ما يوم قابلت زميل لها كان معاها فى الجامعة وهى تشترى حاجات من المول تانى يوم كان مشرف عندها فى البيت وبعد كذا مرة زهقت منه ودورت على رجل تانى تشبع معاه رغبتها وفى مرة من المرات بعد صلاة الجمعة اتجمع سكان لعمارة والبواب وعملوا اجتماع "اللى بيحصل ده مينفعش الرجالة طالعة نازلة وديه عمارة محترمة احنا لازم نقول لشريف "واحد تانى كبير شوية فى السن "ان بعض الظن اثم وبعدين ممكن شريف يتهور ويموتها ونكون احنا السبب"واحد تالت "اللى زى ديه لازم تموت وبعدين ظن ايه ما احنا شايفين كل حاجة بعينينا وكمان بقى انا محبش اكون متقرطس تقرطس جوزها براحتها انما احنا مش قاعدين لا مواخذة يعنى "رئيس اتحاد الملاك "خلاص انا اقابله انهارده وااقوله واللى يحصل يحصل "شريف يفتح باب الاسناسير يلاقى الرجل فى وشه "استاذ شريف ممكن كلمة صغيرة معلش"شريف بعصبية"معلش والنبى خليها بكرة لحسن مش شايف ادامى "الرجل بغلاسة"ماهو المشكلة انك مش شايف ادامك ولا عارف اللى يحصل وراك مراتك يا استاذ بتستقبل رجالة فى عدم وجودك "شريف حيضرب الرجل "رجالة يا "الرجل بصوت عالى "ايوه رجالة حتى ياريته رجل واحد العمارة ديه عمارة محترمة لازم تفهم كده انت ومراتك "وقفل باب الاسانسير فى وش شريف وطلع على شقته شريف مش شايف ادامه "انتى يا بنت ال صحيح الكلام ده "وفاء بمنتهى الثقة "اى كلام "شريف وهو بيمد ايده عليها وهى تستخبى ورا ترابيظة السفرة "الرجالة اللى بيجوا هنا وانا مش موجود يا فاجرة "وفاء "ايوه امال كنت فاكرانى ايه صنم كرسى ترابيظة انت السبب ولو عندك دم طلقنى "شريف باعلى صوته وهو يكسر فى العفش "طالق طالق طالق "
الاشتراك في:
تعليقات الرسالة (Atom)
والله يازات الرداء الأحمر مش عارف أقول ايه
ردحذفبس ديه قصه أتمنى تكون من وحى خيالك متكونش فصه حد قريب منك
فعلى أعتبار أنها قصه فبقلك جميله
بس متكرره مفهاش جديد
حاجه موجوده فى مجتمعنا مش جديد علينا
وياما كتير مننا ناس بيجرى على لقمه العيش وعلى مصاريف البيت وعلى مصاريف امه لو كان بيصرف عليها هى واخواتو البنات اللى عايزين يتجوزو
وسايب مراته بس علشان هى بنت أصول ومن بيت مؤمن ومسلمه بمعنى الكلمه
مختلقتش عزر للفجور
مقلتش لنفسها انا ست ومحتاجه ورغباتى ووو
لالالالالا
الست اللى من بيت أصيل ومؤمنه ومتربيه على خلق وتعرف دينها وتعرف ربنا
عمرها ماتخضع للشهوات
ياما أمهات فى سن 30 لالا فى 25 يموت جزها فى حادسه ولا بمرض مفاجأ ويسبلها عيل ولا اتنين
وترفض تتجوز علشان تربى العيال مش تروح ور رغباتها وشهواتها لالالا
ليه علشان عرفه دينها كويس وعارفه ربنا ورسوله الكريم
ربنا اللى حرم الزنا والفجور
ربنا يسترها مع بنات المسلمين
ثم أرجع وأقولك أن كما تدين تدان أكيد كان بيعمل حاجه بيدفع تمنها دلوقتى
وأتمنى أنو مايكنش القصه ديه بدايه دخولك لعالم التدوين
ياريت تغيريها
وربنا يوفقك
وأكيد هكون متابع ليكى ومتزعليش من كلامى لما هتعرفينى هتعرفى أنى صريح مش مجامل
تقبلى مرورى الأول وليس الأخير
تحياتى
بـــصراحة
ردحذفومن غير زعــل
انا مع رأى الاستاذ
محمد التركى :مش دى البداية:(
ارجو عدم الزعل وأسفة لو ضايقتك.
لو قصه من خيالك بجد كويسه
ردحذفوعجبتنى طريقه كتابك
واتمنى انها متكنش حاجه من الواقع
فعلا الموقف ده بيحصل ونتيجه لآهمال الزوج
بس زى ما قال التركى
البنت اللى طالع من بيت مؤمنين مش بتستلم للشهوات
وانا عارف ان النفس ضعيفه
بس خلاص
تحيااااتى ومودتى
واقبلينى من متابعينك
محمد تركى اكيد ديه قصة من الواقع بتحصل كتير ومش معنى الزوج يتعب ويشتغل ينسى مراته ومشاعرها ورغباتها النموذج ده موجود من الرجالة ومش بيشبع ابدا من جمع الفلوس ممكن يكون مش محتاج ومعاه اللى يكفيه بس هو طماع اول ما يتجوز يفتكر مراته ديه قطعة موبيليا فى البيت ونموذج الست اللى زى وفاء موجود كتير كمان يعنى لو الزوجة مش مؤمنة اوى ممكن تحود عن الطريق الصحيح محمد معلش مع احترامى لوجهة نظرك بس دى نصيحة لكل زوج انه ياخد باله من مراته ويدى شوية لبيته هو ده غرض القصة
ردحذفطيب كنتى قلتى ايه اللى مش عجبك انا عايزة اعرف ايه رايك فى اسلوبى وطريقة الكتابة موضوع القصة واحد من الافات المواضيع وممكن يكون بيحصل فعلا فى نوع من الستات مش كويس وفى رجالة تخلى مراتها تعمل كده من طريقة معاملته ليها انشالله المرة الجاية القصة تعجبك
ردحذفقلب حزين انا مبسوط ان القصة عجبتك وانت فهمت ان عايزة اوصل ايه للناس ان الرجل فى اوقات كتير بيدفع مراته للخيانة انشالله القصة الجاية تكون اجمل
ردحذفNo C0MmEnt.. just 2 greet u all
ردحذفيمكن انا اول مره اجى هنا بس عاجبنى اوى البوس عاجبنى عشان فكره موجوده بجد الشجاعه اللى بداتى بيها لمناقشه موضوع زى دا عاده ما تكون نادره وبتبقى صلاح ذو حدين لان فى ناس بتفسر دا غلط
ردحذفلكن بجد طريقتك كويسه فى الكتابه وفعلا البلوج كسب مبدعه جديده
بس انا عن نفسى هختلف شويه مع الاراء اللى سبقتينى مش لما لمجرد الاختلاف لكن عشان اى انسان مهما كانت درجه ايمانه بيجى ثانيه ويضعف وساعات الشيطان فى اللحظه دى بيبدا فى عمله
بس انا بحاول اقول يا ريت قبل ما نحاسب نسال عن السبب عشان منكلفش نفسنا جرح يمكن هيبقى صعب اوى ندويه يمكن هيبقى صعب كمان ننساه والاصعب لو مقدرناش ننسى دموعنا فى اللحظات دى فى ناس بتصنع الفرحه فى خياله لحد ما يقدر يعيشها بجد مش مهم الطريقه ومش مهم الوسيله المهم انو يعوض نقصوا او الشئ اللى افتقده ودا بيبقى صعب اوى لما يفوق ويرجع لربنا بيحس انو الم نزل على خد غفلان فى عز الليل
ومره تانيه مبروك على تواجدك وسطنا تنورينا ومبروك على البلوج اكتساب موهبه جديده ويا ريت تتقبلى مرورى
ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
قمر 14
ردحذفشكرا ليكى
امير الحب
ردحذفالقصة ديه مش من فراغ انا عندى 25 سنة ولى صديقات كتير متزوجات وزميلات فى العمل وكلهم بيشتكوا من النقطة ديه انا تخيلت لو الست ديه الشيطان لعب فى دمغها فى لحظة ممكن تعمل ايه بجد والله مرسى على الكلام الحلو ده واوعدك القصة التانية تعجبك اكتر من ديه وحستنى زيارتك
اولا القصة فعلا واقعية والاحداث تدل انها موجوده بالتفصيل
ردحذفبس مش لاقية سبب لهروبها حتى لو اهمال الرجل لها برضه ماهو مش بيخون ده رجل تعبان وشقيان فى شغله يعنى تستحمل مرة واتنين وتلاتة
مش عشان حرمان او رغبة مؤقتة انها تبيع كل ده فى لحظة
مش مبررررررررررررررررر للخيانة
انا حاساها انها مريضة نفسيا
مفيش واحدة مهما كانت الضغوط تتصرف كده وكانها بتغير بلوزة وازاى بتندم فى الاول وبقت فتاه ليل بعد كده لو مكنش عجبها كانت تطلب الطلاق
القصة بتعبر عن حاجات كتير بس نرجع نقول القيم والاخلاق هما الاساس والست اللى متستحملش ظروف جوزها ومش تحافظ على كرامته حتى لو هى مش عايزاه تبقى متستاهلش لقب ام ولا زوجة ولا انسانة اصلا
تحياتى اسلوب الكتابة عجبنى جدا وواقعى وكاننا نراه
يدوم التواصل بينا يا شيرى
يعني كل البلاوي دي من طبق الفول؟
ردحذفبتهيألي ال تعمل كده انسانة مش متربية اصلا ولا عندها دين ولا اخلاق... لان اهماله ليها ميدهاش الحق او العزر انها تعمل حاجة زي كده..
ردحذفكان اشرفلها تتطلق... طالما مش قادرة تكمل معاه...
بجد بتقرف من الناس البتوهم نفسها انهم ضحايا وعلي ذلك الوهم يتصرفو تصرفات غلط..
فكرتيني ب فاتن حمامة في فيلم نهر الحب.. وازاي الفيلم كان مطلعها في صورة الضحية وهيا بتخون جوزها...
انا مش معترض علي اسلوب الكتابة او طريقة العرض.. انا معترض علي الفكرة في حد ذاتها..
فكرة خلق الاعزار وتمثيل بطلة القصة في دور الضحية...
عموما مستنين بوستات جديدة...
تحياتي
بداية ساخنة ومحيرة فى نفس الوقت
ردحذفاسلوب السرد للاحداث واقعى جدا والقصة لها مغزى ومعانى كثيرة لانها ناقوس خطر فى زمن سيطرت عليه المادة وتُركت المشاعر الانسانية جانبا
لابد من الاهتمام من الجانبين لبعضهما
تمنياتى لكى بالتوفيق دائما
مى
ردحذفجوزها حولها لمريضة نفسية لو كنتى خدى بالك من انها كان عندها فستان مش بتلبسه عشان بيظهر تفاصيل جسمها دلوقت هى لبسته عشان عايزة تعوض اهمال جوزها وانه مش بيعلق على لبسها او جمالها كل همه الشغل وجمع الفلوس واكيد ده مش مبرر انها تعمل كده النموذج ده من النساء اكيد مكروه وجميلة اوى اخر جملة كتبتيها ومرسى ليكى اوى وترقبى الجديد
مصرى جدا
ردحذفتتصور كل البلاوى ديه من طبق الفول اللى حوله لتيس مبيحسش
سمع هص
ردحذفيمكن كلنا بنقرف من النوع ده من الستات وطبعا مفيش اى مبرر للخيانة مهما كان هى حاولت كذا مرة معاه بس هو كان مطنش ويستاهل اللى يحصله
همس الاحباب
ردحذفتقريبا انت الوحيد لحد دلوقت اللى عجبتك فكرة القصة ومرسى ليك اوى وانشالله القصة الجاية تعجيك
ربما انا ضد بطلة قصتك فى سلوكها
ردحذفولكن اعجبنى ذوقها فى اختيار الرجال
اشكرك علقت بى الابتسامة هنا
فى انتظار جديدك
ماتزعيش منى
ردحذفبس انا ماقدرتش اتعاطف معاها خالص دي خانت جوزها وصاحبتها او امفروض حسب سياق القصه انها صديقتها المقربه انتِ عايزة تقولى ان اهمال الزوج زوجته ممكن يوصها لاكتر من كده بس هي كانت ممكن تتكلم معاه في يوم اجازة ا في لحظه رواقه وتفهمه لكنها واضح انها استسهلت الحل .. مازعليش منى هي كمان خاينه وغبيه لانها شبهت روحها بنفسها وجابت عشاقها لبيتها بنفسها ماينفعش نقول ماهي مافيش حاجه باقيه عليها لان طبيعه الست مهما كان كلام الناس بيفرق معاها
ده بصراحه رايي وارجو انك ما تزعليش
تحياتى لك
باين ان مستواها الاجتماعي عالى علشان كده موضوع الغريزة ده كان فارق معاها قوى صدقينى في المستويات الاجتماعيه الاقل حيث الصراع من اجل لقمه العيش يصبح التفكير في هذه الاشياء ترف او يعنى مابيكونش شاغل البال قوى لدرجه خراب البيت من اجله
ردحذفكان ممكن تعبري عن القصة الواقعية بإسلوب أبسط وغير مباشر..يعني يبقى فيه تناول أدبي للأحداث مش حكي عادي زي ما أي 2 أصحاب بيحكوا
ردحذفساعتها كانت هتبقى قصة مناسبة لكل الأذواق
لكن البعض ممكن يعتبرها قصة غرضها لفت الانتباه
وبالتالي مياخدش باله من العظة المطلوب ناخدها منها
وتعليق بسيط على الموقف
مش مبرر إن اللي أدامي غير واعي ..إني أرد على عدم وعيه بانتظار إنه يقرأ أفكاري أو ارتكب كارثة
وربنا يهدي الجميع ويستر على القلة القليلة الباقية
اللي متمسكة بدينها زي اللي ماسك الجمر في إيده :)
والسلام ختام
بسم الله الرحمن الرحيم
ردحذفالسلام عليكم ورحمة الله وبركاته
أنا بس عوزة أسأل سؤال بعد ما قرأت القصة لحد الآخر علشان ببحث عن إجابته
والسؤال هو
هو ايه الهدف أو الدرس المستفاد من الحكاية دي؟
أنا تحليلي لبطلة القصة انها مجرد انسانة أصلها مش حلو وكل بئر بما فيه ينضح كان ممكن بكل بساطة تطلب منه الطلاق من الأول من غير متوسخ نفسها مع العلم انه لاتزر وازرة وزر أخرى
واللي بيشيل قربة مخرومة بتخر على دماغه
ورأيي في بطل القصة انه بالفعل مغلطش في حاجة الراجل كتر ألف خيره بيقولها كلمة حلوة على الصبح هي قلبتها بنكد أعتقد انه أصلا اندماجه في عمله ده ليس لشيء سوى انه هروب من نكدها
غير اني استغربت النهاية قوي لأن من طبيعة الرجل الشرقي انه ميستسلمش بسهولة كدة كانت هتبقى حلوة قوي لو كان ادلها علقة محترمة وجابها من شعرها على السلم وطلقها قدام كل الناس
ربنا يسترنا دنيا وآخرة
في انتظار جديد قصصك بس ياريت تبقي توضحيلي الدرس المستفاد في القصة لأني ملقتوش المرة دي
تحياتي
وبعد ما قرأت التعليقات ليا تعليق تاني
ردحذفأولا بتفق مع محمد التركي فإن مكنش حلو ان القصة دي بالذات تبقى البداية لأنها بسهولة قوي هتدي عنك فكرة وحشة للي هيقراها ومش هيرجع لمدونتك تاني لأن الانطباع الأول يدوم طويلا
ثانيا ولأني حسيتك عوزة تعرفي رأينا في طريقة كتابتك بغض النظر عن الفكرة اللي تناولتيها، فأولا زي ما قلتلك في تعليقي الأول لازم الدرس المستفاد يكون أوضح من رد الفعل علشان مياخدناش التفكير والتحليل في رد الفعل وغفلة الدرس أو الهدف وده اللي حصل في القصة دي
بالنسبة للأسلوب أنا من رأيي ان اسلوبك في القصة دي مال للإبتزال وكان يكفي المعنى عن التفصيل وخاصة اننا أمة كرمنا الله بأننا نتعفف عن نشر الخبائث فالمشهد بتاع صحوة الزوج مكنش محتاج تفاصيله دي وجملة بدايت سقوطها برضه حسيتها واضحة زيادة عن اللزوم
وده كان تعليقي على الأسلوب
نوجزه في كلمتين
1- تسليط الضوء على المشكلة أكتر ممن تسليطه على النتائج
2- مراعاة عدم الابتزال في توضيح الفكرة << اللبيب بالاشارة يفهم
وربنا يهدينا جميعا لتاني مرة
ومش هطلب منك متزعليش من تعليقي زي ما قال بعض اللي قبلي لأنك انتي طلبتي رأينا وده رأينا لو مكنتيش عوزة تعرفيه كنتي هتقفلي التعليقات مش كدة ولا انا غلطانة؟
رشا
ردحذفكلماتك شيك زى مدونتك بالظبط
انا برضه ضد سلوكها وتوم كروز واحمد عز اكيد جامدين
جديدك يعجبك انشالله
مصطفى ريان
ردحذفونسيت العشوائيات واللى بيحصل فيها مش دول برضه ناس بتصارع على لقمة العيش الوحش والحلو موجود فى كل الدنيا وكل الناس فيها جانب خير وجانب شر ساعات ده بيكون اكتر من ده مرسى لمرورك
diya
ردحذفانا قصدت ان القصة تكون باسلوب عامى ومن الواضح انك من فترة مش بتقرى كتب انزلى السوق وشوفى اعلى اصدرات للكتب بتقول ايه وبتتكلم فى ايه حتعرفى اد ايه انا موهوبة وساعتها تيجى تشكرينى
الانسة اللى استبدلت اسمها بشوية ارقام كان يحصل ايه لو تتعبى شوية وتكتبى اسمك عشان نعرف نقرأه
ردحذفبتقولى على اسلوبى مبتذل وانا بقول على مدونتك ببوستاتها كلها تافهة فرح اخوكى ولا فرح ابن عمك وتفتكرى مين ممكن يحسد مدونتك او بمعنى تانى على ايه تتحسد ومستغربة انى مقفلتش التعليقات عشان مكنتش اعرف ان فيه حد بالغلاسة ديه الصراحة انتى غلسة اوى وحضرتك تكونى مين عشان اصلا ازعل او مزعلش منك وبعدين انا زورت بس المدونات اللى راى اصحابها يهمنى واعتقد انك مكنتيش منها وجودك هنا غير مرغوب فيه وياريت متشرفيش هنا تانى